पंतप्रधान शेतकरी सन्मान निधी म्हणजेच पीएम किसान योजना ही शेतकऱ्यांसाठी चालवलेली एक महत्त्वाची योजना आहे. या योजनेअंतर्गत पात्र शेतकऱ्यांना दर तीन महिन्यांनी ₹2000 हप्ता दिला जातो. त्यामुळे वर्षभरात एकूण ₹6000 शेतकऱ्यांच्या खात्यात जमा होतात. आता शेतकरी २०व्या हप्त्याची आतुरतेने वाट पाहत आहेत.
यावर्षी पावसाने उशिरा सुरुवात केल्यामुळे काही भागात पेरण्या वेळेवर झाल्या नाहीत. काही ठिकाणी पेरणीच पुन्हा करावी लागली आहे. त्यामुळे शेतकऱ्यांना आर्थिक अडचणी येत आहेत. अशा वेळी केंद्र सरकारकडून मिळणारे ₹2000 हे त्यांच्यासाठी खूप उपयोगाचे ठरतं. म्हणून सगळे शेतकरी हप्ता कधी जमा होतोय, याकडे लक्ष ठेवून आहेत.
अनेक जण म्हणत होते की जून महिन्याच्या शेवटी हप्ता मिळेल. पण अजून पर्यंत तो जमा झालेला नाही. आता अशी शक्यता आहे की १८ जुलै २०२५ रोजी बिहारमध्ये होणाऱ्या एका कार्यक्रमात पंतप्रधान नरेंद्र मोदी यांच्या हस्ते हा हप्ता ऑनलाइन पद्धतीने जारी केला जाईल. मात्र याबाबत अजून सरकारकडून अधिकृत घोषणा झालेली नाही.
शेतकरी आपलं नाव यादीत आहे का हे तपासण्यासाठी ही सोपी पद्धत आहे:
- तुम्ही तुमच्या मोबाईलवर किंवा संगणकावर https://pmkisan.gov.in ही वेबसाइट उघडा.
- त्यावर ‘Farmer Corner’ हा पर्याय दिसेल, त्यावर क्लिक करा.
- त्यानंतर ‘Beneficiary List’ वर क्लिक करा.
- आता आधार नंबर किंवा खाते नंबर टाका.
- ‘Get Data’ वर क्लिक करा आणि तुमचं नाव हप्ता यादीत आहे का ते तपासा.
जर तुमची e-KYC प्रक्रिया पूर्ण झाली असेल आणि आधार क्रमांक बँक खात्याशी लिंक असेल, तर हप्ता थेट खात्यावर जमा होतो. काही अडचण आल्यास तुम्ही खालील हेल्पलाईन नंबरवर फोन करू शकता:
- पीएम किसान हेल्पलाइन: 1800-115-5525
- इतर हेल्पलाईन क्रमांक: 155261 / 011-24300606
या योजनेमध्ये एक नविन नियम लागू झाला आहे. आता एका कुटुंबातील (पती, पत्नी, मुलगा किंवा मुलगी) फक्त एका व्यक्तीला या योजनेचा लाभ मिळू शकतो. म्हणजे एकाच घरातले सगळे जण पैसे घेऊ शकत नाहीत. यामागे सरकारचा उद्देश असा आहे की खऱ्या शेतकऱ्यांपर्यंतच ही मदत पोहोचावी आणि फसवणूक टाळावी.
तुम्हाला वेळेवर हप्ता मिळावा यासाठी तुमची सगळी माहिती अपडेट असणं खूप गरजेचं आहे. वेळोवेळी वेबसाईट तपासा आणि तुमची माहिती योग्य आहे का ते खात्री करून घ्या. योग्य माहिती दिली तर तुमचं ₹2000चं हप्ता तुमच्या बँक खात्यावर वेळेत जमा होईल.